មន្ត្រីអគ្គិសនីម្នាក់ឆក់ស្លាប់ ខណៈឡើងតបណ្តាញខ្សែភ្លើងប៉ះចំមុខតំណរ
02-November-2015 | ដោយ ពល រាជសី
ភ្នំពេញ៖ មន្ត្រីអគ្គិសនីម្នាក់ត្រូវបានឆក់ស្លាប់កាលពីវេលាម៉ោង១០និង៣០នាទីព្រឹក ថ្ងៃទី២ ខែវិច្ឆិ កា ឆ្នាំ២០១៥ ស្ថិតនៅចំណុចបង្គោលភ្លើងមួយកន្លែង តាមបណ្តោយផ្លូវឧញ៉ាម៉ុងរិទី្ធ ភូមិគោក សង្កាត់ទួលសង្កែ ខណ្ឌឬស្សីកែវ ខណៈដែលជនរងគ្រោះឡើងតបណ្តាញខ្សែភ្លើងប៉ះនឹងខ្សែនោះ មានមុខតំណរ ហើយបានស្លាប់ពេលបញ្ជូនដល់មន្ទីរពេទ្យព្រះកុសមៈ។
ជនរងគ្រោះមានឈ្មោះ អេង ហំ ភេទប្រុស អាយុ២៥ឆ្នាំ មន្ត្រីបំរើការងារនៅអង្គភាព អគ្គិសនីកម្ពុជា បច្ចុប្បន្នស្នាក់នៅម្តុំបែកចាន និងមានស្រុកកំណើតនៅភូមិដូនអុន ឃុំដូនកែវ ស្រុកពួក ខេត្តសៀមរាប។
ប្រភពពីមន្ត្រីរួមការងារជាមួយជនរងគ្រោះបានឲ្យដឹងថា មុនពេលកើតហេតុពួក បានចុះមកបំពេញការងារនៅចំណុចកើតហេតុខាងលើ។ លុះមកដល់ជនរងគ្រោះ ក៏បានឡើងទៅតខ្សែនៅលើបង្គោលកើតហេតុនោះមិនចាំលេខដោយមានការពាក់ខ្សែក្រវ៉ាតត្រឹម ត្រូវ ពេលជនរងគ្រោះគាត់ក៏ចាប់ទាញខ្សែដែលត្រូវតស្រាប់តែប៉ះនឹងខ្សែតំណរគ្មានស្រោមក៏ឆក់ ជាប់នៅលើបង្គោល ហើយភ្លាមៗនោះក្រុមការងារក៏បិទបារ៉ែតជួយសង្គ្រោះគាត់ហើយដឹកទៅកាន់ មន្ទីរពេទ្យព្រះកុសមៈ តែពេលទៅដល់ពេទ្យវិជ្ជបណ្ឌិត ពេទ្យប្រាប់ថាជនរងគ្រោះស្លាប់បាត់ទៅហើយ។
ក្រោយពីពិនិត្យកោសល្យវិច្ច័យរួចមកសមត្ថកិច្ចជំនាញក៏បានប្រគល់សាកសពឲ្យក្រុមគ្រួ សារ នៃសពយកទៅធ្វើបុណ្យតាមប្រពៃណី៕
ចំនួនអ្នកទស្សនា
- ថ្ងៃនេះ271
- ម្សិលមិញ3121
- សប្តាហ៍នេះ7151
- ខែនេះ271
- ឆ្នាំនេះ336531
- សរុប19563977